Babë e birë janë proceduar në gjendje të lirë pasi kanë goditur me sende të forta një 54-vjeçar, banues në Gjirokastër.
Uniformat blu bëjnë me dije se sherri nisi pas një përplasjeje të automjeteve me dëme materiale.
Shtetasi B. A., 44 vjeç dhe djali i tij të mitur E. A., 17 vjeç, pas sherrit kanë goditur me sende të forta shtetasin K.Dh.54 vjeç.
“Specialistët për Hetimin e Krimeve në Komisariatin e Policisë Delvinë referuan materialet në Prokurori dhe proceduan në gjendje të lirë shtetasit B. A., 44 vjeç dhe djalin e tij të mitur E. A., 17 vjeç, pasi në bashkëpunim me njëri tjetrin, për motive të dobëta (konflikt i nisur nga një përplasje e automjeteve me dëme materiale), kanë goditur me sende të forta shtetasin K. Dh., 54 vjeç, banues në Gjirokastër”, tha policia.
Materialet procedurale i kaluan Prokurorisë, për veprime të mëtejshme./Opinion.al
