Policia e Sarandës ka shpallur në kërkim 34-vjeçarin Xh.M, pasi dyshohet se ka goditur me sende të forta, shkopinj dhe leva hekuri, 42-vjeçarin L.M , duke i shkaktuar dëmtime trupore.
Blutë bëjnë me dije se nga hetimet dyshohet se ngjarja ka ndodhur si pasojë e një konflikti të mëparshëm gjatë ditës, në rrugën “Lefter Talo”, mes L. M. dhe F. M., 46 vjeç.
Njoftimi i plotë:
Sarandë-Specialistët për Hetimin e Krimeve në Komisariatin e Policisë Sarandë shpallën në kërkim shtetasin Xh. M., 34 vjeç, për veprën penale “Plagosja e rëndë me dashje”, e kryer në bashkëpunim, pasi dyshohet se rreth orës 20:30, në lagjen nr. 2, së bashku me dy shtetas të tjerë ende të paidentifikuar, ka goditur me sende të forta, shkopinj dhe leva hekuri, shtetasin L. M., 42 vjeç, duke i shkaktuar dëmtime trupore.
Nga hetimet dyshohet se ngjarja ka ndodhur si pasojë e një konflikti të mëparshëm gjatë ditës, në rrugën “Lefter Talo”, mes shtetasve L. M. dhe F. M., 46 vjeç (xhaxhai i shtetasit Xh. M.), ndaj të cilëve nisi gjithashtu procedimi penal për veprën penale “Dëmtime të tjera me dashje”.
Vijon puna për kapjen e shtetasve të dyshuar të përfshirë në këtë ngjarje.
Vlorë/Specialistët e Sektorit të Qarkullimit Rrugor në DVP Vlorë arrestuan shtetasit:
• M. L., 49 vjeç, banues në Vlorë, pasi u konstatua duke drejtuar automjetin në gjendje të dehur;
• N. H., 22 vjeç, banues në Vlorë, pasi u konstatua duke drejtuar automjetin pa leje drejtimi.
