Dy persona janë vënë nën hetim nga policia e shtetit, pasi kanë goditur me grusht ish-shefin e komisariatit të policisë së Dibrës Robert Agën.
Mësohet se janë vënë në pranga Bekim Agolli dhe Robin Murrja. Ngjarja ka ndodhur ditën e djeshme rreth orës 12:00 në qytetin e Peshkopisë.
Agolli dhe Murrja akuzohen për veprën penale “Plagosja e lehtë me dashje”.
“Specialistët për Hetimin e Krimit në Komisariatin e Policisë Dibër, referuan materialet në Prokurorinë e Rrethit Gjyqësor Dibër për veprën penale “Plagosje e lehtë me dashje”, për shtetasit B.A., 30 vjeç; R.M., 40 vjeç, banues në Dibër. Këta shtetas me datë 17.11.2022, rreth orës 12.⁰⁰, në qytetin e Peshkopisë , për motive të dobëta kanë goditur me grusht shtetasin R.A., 59 vjeç, banues në Tiranë. Materialet i kaluan Prokurorisë për veprime të mëtejshme.’- njofton policia.
