108 persona janë arrestuar pas një operacioni anti-drogë të zhvilluar në Itali në disa qytete të vendit, kryesisht në zonën e Kalabrisë, por edhe në Pescara, Milano, Salerno, Catania, Savona, Bolonja, Vicenza, L’Aquila, Ancona, Romë dhe Cagliari, ndërsa janë goditur disa grupe kriminale.
Sipas mediave italiane, të arrestuarit janë nën hetim për trafik ndërkombëtarë drogë në sasi të mëdha, pastrim parash, grup të strukturuar kriminal, trafik armësh.
Operacioni, i quajtur ‘Eureka’, preku veçanërisht klanet Nirta-Strangio të San Luca dhe Morabito të Afrikës.
Sekuestrime kompanish dhe pasurish dhe arrestime u kryen në Gjermani dhe Belgjikë në kuadër të hetimeve që çuan në operacionin “Eureka” të zhvilluar mëngjesin e sotëm nga policia e Italisë.
Prokurorët hodhën dritë për lidhjen e bandave mes tyre, të cilët furnizoheshin me kokainë nga Amerika e Jugut dhe në më pas se 2 vite futën 6 ton kokainë në Itali.
Sipas hetimeve, gjashtë ton kokainë u zhvendosën midis majit 2020 dhe janarit 2022 nga bandat ‘Ndrangheta’. Gjatë hetimeve u regjistruan kontakte mes bandave, njëra nga të cilat furnizohej me kokainë nga Amerika e Jugit nga shqiptari Denis Matoshi (Eldi Dizdari) i cili aktualisht është në arrati në Dubai.
Hetuesit kanë rindërtuar gjithashtu flukset e parave që i atribuohen shitjeve të drogës, të cilat menaxhoheshin nga organizata të përbëra nga subjekte të shtetësisë së huaj, të specializuara në marrjen e parave, ose nga njerëz që lëviznin para në territorin evropian. Lëvizjet përfshinin Panamanë, Kolumbinë, Brazilin, Ekuadorin, Belgjikën dhe Holandën.
Grupet e trafikut të kokainës do të pastronin rreth 22.3 mln euro, të gjitha këto të ardhura nga krimi.
Milionat euro të ‘Ndrangheta-s, që do të përdoreshin në blerjen e makinave dhe mallrave luksoze, si dhe do të përdoreshin për të filluar dhe financuar aktivitete tregtare në Francë, Portugali dhe Gjermani.
Hetimet kanë nisur që nga qershori i vitit 2019. Hetuesit zbuluan funksionimin e tre bandave kriminale që synonin trafikun ndërkombëtar të drogës, të cilat i kishin bazat e tyre në Itali si dhe jashtë saj./Opinion.al
