Italia ka ndërmarrë një superoeracion për goditjen e mafies së basteve, ku janë sekuestruar miliarda euro. Tre hetime të ndryshme të prokurorive të Barit, Reggio Calabria dhe Catania të koordinuara me Anti- Mafian dhe Anti Terrorizimin kanë çuar në pranga arrestimin e 68 personave.
Sipas mediave italiane janë sekuestruar një sasi mallrash si dhe më shumë se 1 miliardë Euro.
Ndërsa vlera e mallrave të basteve sportive shkon në mbi 4.5 miliradë Euro. Të arrestuarit janë nga Puglia, Reggina dhe Catanias, si dhe disa sipërmarrës.
Guardia di Finanza, Policia dhe karabinierët gjithashtu kryen rreth tetëdhjetë kërkime në qytete të ndryshme.
Paratë grumbulluara në mënyrë të paligjshme, investoheshin më pas në pasuri të paluajtshme dhe pozicionet financiare jashtë vendit për individë, fondacione dhe kompani, falë pjesëmarrjes së disa të njohurve.
Të arrestuarit akuzohen për mashtrim me taksa për bastet online. Sipas hetimeve mafia e tregut online të basteve operonte në disa qytet dhe para e fituara nga ky biznes transferoheshin jashtë vendit.
Për të gjurmuar pasuritë e tyre autoritetet italiane kanë kërkuar bashkëpunimin e Eurojust dhe autoriteteve në Austri, Zvicër, Mbretërinë e Bashkuar, Holandë, Curacao, Serbi, Shqipëri, Spanjë dhe Malta.
