Ka goditur sërish gazetari Arian Çani me komente e tij të cilat i bën pa dorashka. Si pjesë e jurisë se emisionit “Your Face Sounds Familiar”, ai është mjaft aktiv me komente e tij pikante që u bën këngëtarëve. Por këtë herë duket se e ka tepruar. Ndërsa këngëtarja e re Arinda Gjoni kishte imituar këngëtarin e njohur John Bon Jovi, dhe më pas po merrte mendimet e anëtarëve të jurisë, Çani nuk e fshehu se ishte i zhgënjyer nga paraqitja e saj, shkruan panorama.
“Më vjen keq, por unë Arindën nuk e shikoj në trupin e një mashkulli, sepse ajo është një femër shumë seksi dhe uroj që nga ruleta të marrë gjithnjë role femrash”, u shpreh gazetari i njohur. “Një femër që bën si mashkull, ta shkref… M’u duke si një Bon Jovi nga Laçi, një lace e vërtetë”, ishte deklarata e Arian Çanit, gjë e cila provokoi polemika me anëtaret e tjera të jurisë, Albërie Handërgjonajn dhe Olta Gixharin.
