Shefja e misionit të vëzhguesve të ODIHR, Adry Glover do të zhvillojë sot disa takime me kryetarët e partive politike në Tiranë.
Pasi kritikoi përmes raportit të OSBE/ODIHR zgjedhjet e 30 qershorit si jo në interes të elektoratit dhe bëri apel që të sqarohet legjitimiteti tyre nga Gjykata Kushtetuese, Glover mbërrin sot në Tiranë dhe në orën 12:00 do të zhvillojë një takim me kreun e opozitë Lulzim Basha në selinë e Partisë Demokratike.
Dy orë më vonë ajo do të shkojë në selinë e LSI ku do të pritet nga kryetarja Monika Kryemadhi.
Në axhendën e diplomates janë parashikuar gjithashtu edhe takim me kryeministrin Rama si dhe me anëtarët e Komisionit Qëndror të Zgjedhjeve.
Ndërkohë Tirana pret sot në një vizitë zyrtare kryeministrin Italian Giusepe Conte. Pas ceremonisë në në Pallatin e Brigadave ai do të zhvillojë një takim me kryeministrin Edi Rama në orën 15.30 dhe më pas do të kenë edhe një konferencë të përbashkët për shtyp.
Në orën 17:00 kryeministri italian do të zhvillojë një takim me liderin e opozitës për tu drejtuar më pas në Presidencë ku do të ketë takimin e fundit me Presidentin Ilir Meta në Presidencë. Kjo është vizita e parë e Contes si kryeministër i Italisë në Shqipëri. Ai vjen pak ditë para marrjes së vendimit nga Bashkimi Europian për celjen e negociatave për anëtarësim. /Opinion.al
