-U tha në Opinion

Gledis Nano në krye të Policisë, Koka: Figurë që premton ndryshimin


Bëhu pjesë e Grupit Zyrtar të Opinion.al
>> KËTU <<
               Publikuar në : 22:35 - 06/10/21 |
el ida

Gazetari Spartak Koka ka komentuar në studion e emisionit “Opinion” profilin e Drejtorit të ri të Policisë së Shtetit, Gledis Nano.

Koka tha se emri i tij ishte mes 4 kandidaturave të propozuara që në muajin Korrik. Duke folur për përvojën e gjatë të Geldis Nanos në Policinë e Shtetit, Koka tha se ai spikati veçanërisht në një nga operacionet e riatdhesimit të fëmijëve shqiptarë nga kampet Siriane, ku qëndroi për më shumë se 1 muaj në Liban.

“Emri i Gledis Nanos është përfolur që në korrik më pas në gusht dhe ishte mes 4 kandidaturave për Drejtorin e Policisë së Shtetit. Ka qenë në disa operacione, veçanërisht për operacionin ku ju e keni patur të ftuar në “Opinion” ai ka qëndruar për rreth 1 muaj e gjysmë në Liban ku ka ndjekur nga afër punën organizuese koordinuese, së bashku me shefin e seksionit Endrit Doda”, tha Koka.

I pyetur lidhur me faktin se si është pritur emërimi i tij në, Koka tha se Nano po shihet si një figurë që premton ndryshimin.

“Është një nga emërimet me integritet të lartë, që nuk ka patur kontestime. Një figurë që premton ndryshimin, çështja është sa pushtet do t’i jepet Gledis Nanos për të ndryshuar qasjen në besimin ndaj publikut. Policia e Shtetit ka nevojë për reformim, por kjo reformë nuk do të ndodhë nëse piramida, drejtorët e krimeve, të rendit nuk do ndryshohen. E rëndësishme do të jetë qasja e Ministrit të Brendshëm, si do trajtojë luftën kundër krimit të organizuar. Kemi një problem tjetër, largimin e policëve të korruptuar. Problemi është se janë 20 drejtues që na vijnë me kostum të ndryshëm, por të njëjtën fytyrë”, tha Koka./Opinion.al

 

 

Pas