Vetëm një ditë më parë Opinion.al shkroi rreth procesit të zgjedhjes së kandidatëve që do të çohen në Këshillin e Europës për gjyqtar të Strasburgut. Opinion.al referuar burimeve mësoi se këto gjyqtarë nuk do ti nenshtrohen Vettingut, proces që po kërkohet me forcë nga politika per gjyqtaret brenda vendit.Kjo konfirmohet sot nga Qeveria e cila thotë se nuk pret koha per Vettingun e kandidatëve për në Gjykatën e të Drejtave të Njeriut, pasi emrat duhen çuar deri më 26 Gusht.
Qeveria bën të ditur se në këtë garë janë:
Xhezair Zaganjori, Altina Xhoxhaj, Dariel Sina, Elira Kokona,
Ina Rama, Sokol Berberi, Gent Ibrahimi, Plarent Ndreca,
Ledia Mirakaj, Sokol Puto, Ornela Rrumbullaku.
Sipas qeverisë është ngritur komisioni që përbëhet nga emra të njohur si: Luan Omari, konstitucionalist, ish-anëtar i Komisionit të Venecias. Kristaq Traja, ish-gjyqtar në GJEDNJ. Bashkim Dedja, Kryetar i Gjykatës Kushtetuese, Artan Hoxha, Dekan i Fakultetit të Drejtësisë, Universiteti i Tiranës, ish- gjyqtar në Gjykatën e Lartë, Artur Metani, Drejtor i Departamentit të Legjislacionit në Kryeministri.
Qeveria thotë se nuk kemi mundësi ta bëjmë Vettingun për këta kandidatë pasi nuk është miratuar ligji. “Komisioni, i ka kërkuar aplikantëve vërtetimin e dorëzimit të formularit të vetëdeklarimit për garantimin e integritetit të personave që zgjidhen, emërohen ose ushtrojnë funksione publike ose plotësimin e tij, si dhe ka kërkuar në rrugë zyrtare pranë ILDKPKI-së informacion mbi verifikimin e deklarimit të pasurisë në përputhje me legjislacionin në fuqi”, thuhet në njoftimin e Qeverisë.
Lajme për të njejten teme:
Partia Demokratike akuza Ramës: Po çon në Gjykatën e Strasburgut avokatin e tij, pa i bërë vettingun
Xhezair Zaganjori, gjyqtar në Strasburg. A do të ikë kreu i Gj.Lartë?
Qeveria shqiptare sqaron pozicionin e saj për kandidaturat e Gjykatës së Strasburgut
