Komisioni i Pavarur i Kualifikimit ka vendosur që të ndërpresë Vettingun për gjyqtarin e Kushtetueses Besnik Imeraj. Vendimi nga Komisioni erdhi pas dorëheqjes së gjyqtarit në datë 31 janar. Kështu ndaj Besnik Imerajt nuk do të ketë asnjë rivlerësim, pasi ka hequr dorë sistemi i drejtësisë.
Besnik Imeraj prej prillit 2013 ishte anëtar i Gjykatës Kushtetuese dhe ligjërisht mandati i tij mbaronte në prill të vitit 2022, por ai ka vendosur të largohet 4 vite para mbarimit të mandatit.
I njëjti vendim është marrë pak ditë më parë edhe për ish-kryeprokurorin Llalla, i cili i shpëtoi vetingut, pasi nuk pranoi të punojë më në sistemin e drejtësisë pasi u largua nga akuza në dhjetor 2017.
