Politika shqiptare i cilëson të padrejta akuzat e ngritura ndaj ish-drejtuesve të UÇK, të cilët po gjykohen në Hagë.
Deputetët theksojnë se UÇK luftoi për të mbrojtur popullin e Kosovës nga sulmet e Serbisë dhe se kjo e fundit duhet të ishte në bankën e të akuzuarve.
“Ai nuk është një gjyq kundër zotit Thaçit dhe ish-drejtuesve të UÇK-së, por një gjyq kundër lëvizjes çlirimtare të Kosovës.”
“Shpresojmë që të vihet drejtësia dhe të jenë të pafajshëm shumë shpejt!”
“Veprim shumë i gabuar që ato ndodhen atje.”
“Drejtësia për ata që kanë luftuar për lirinë e vendit të tyre duhet të mos vonojë.”
“Ka qenë një luftë e drejtë, vetëmohuese, luftë e një kombi të tërë.”
“Vendimet e Gjykatave nuk gjykohen, gjithsesi unë jam me UÇK-në.”
“I besoj faktit që lufta e UÇK-së ka qenë një luftë e drejtë.”
Por, mazhoranca dhe opozita ndajnë qëndrime të ndryshme për sa i përket mbajtjes së një proteste solidarizimi për ish-krerët e UÇK.
“Duhet të kishin filluar, por edhe në ditën e Pavarësisë së Kosovës këtu nuk ka pasur asnjë aktivitet.”
“I pari fare duhet të ishte Kryeministri, që të zhvillonte një tubim në mbështetje të liderëve të UÇK-së.”
“Shqiptarët e kanë treguar solidaritetin.”
“Shumë nga ne kanë qenë atje.”
Gjyqi po zhvillohet në Dhomat e Specializuara në Hagë ndaj ish-presidentit të Kosovës, Hashim Thaçi, ish-kryeparlamentarëve, Jakup Krasniqi dhe Kadri Veseli, dhe ish-anëtarit të Shtabit të Përgjithshëm të Ushtrisë Çlirimtare të Kosovës, Rexhep Selimi./ Klan News
