Ramush Haradinaj nuk ka mundur të fitojë lirinë as ditën e sotme. Gjykata në Colmar të Francës vendosi ta shtyjë seancën për më datë 6 Prill. Lideri i AAK është ndaluar më 4 Janar në bazë të një urdhër-arresti serb.
Pas vendimit për shtyrje të seancës, Ramush Haradinaj ka folur para gjykatës në Colmar.
“Gjykata u ka dhënë edhe 1 muaj shtesë autoriteteve serbe për informata shtesë. Ky është abuzim politik, kjo çfarë po ndodh është turpëruese. Lufta e UÇK-së është filtruar në Gjykatën e Hagës, kështu që unë kam mbetur peng politik. Të gjithë ata që janë pjesë e këtij vendimi ju them se duhet të ju vijë turp. Unë do të vazhdoj të qëndroj përsëri në Francë”, ka thënë Haradinaj.
