Aktualitet

Gjyqi me ministren Kushi/ Vokshi:Çështje politike për të mbyllur gojën time e të opozitës



Bëhu pjesë e Grupit Zyrtar të Opinion.al
>> KËTU <<
               Publikuar në : 11:24 - 28/09/22 |
Opi Nion

Deputetja e Partisë Demokratike, Albana Vokshi ka dhënë një prononcim për mediat pas seancës së rradhës gjyqësore me ministren e Arsimit Evis Kushi në Gjykatën e Posacme pas padisë së kësaj të fundit pas një denoncimi të një mësueseje, të publikuar nga Vokshi në rrjetin social “Facebook” për daljen e një teze provimi.

Vokshi tha se ishte seanca e parë që shqyrtoheshin provat e sjellë nga përfaqësuesi i ministres Kushi, ndërsa shtoi se denoncimi i ardhur nga një mësuese e Elbasanit u provua. Sipas saj u kuptua që mësuesit nuk flasin dot pasi janë të kërcënuar dhe si rrugën e vetme për të denoncuar të vërtetën kanë gjetur deputeten.

Sa i përket padisë, Vokshi tha se kjo është një mënyrë për t’i mbyllur gojën opozitës.

“Ishte seanca e parë që shqyrtoheshin provat që kishte sjellë përfaqësuesi i Kushit e cila edhe sot nuk u paraqit. Unë kam vendosur të vi personalisht në respekt të kohës dhe financave që po vënë në dispozicion kjo gjykatë për një çështje politike, për të mbyllur gojën time dhe të kolegëve të opozitës.

U vërtetua që koha i ka dhënë të drejtë mësueses që ka denoncuar në skandalin e vlerësimit parauniversitar. Kishte vetëm disa shkrime që kishin publikuar statusin pas denoncimit që ka bërë mësuesja. Paraqita provat e mia, mesazhin që më ka ardhur nga një mësuese nga Elbasani, dhe vetëm fjalia e parë e këtij sms, ‘dua të denoncoj një skandal, por mos më nxirrni emrin se më heqin nga puna’, kjo të bën të mendosh dhe kuptosh që mësuesit sot nuk flasin dot dhe janë të kërcënuar, dhe gjejnë mënyrën për të denoncuar një skandal në rastin konkret tek unë. E kam bërë publik duke iu referuar edhe në statusin tim, tekstit të mësues.

Ministrja në vend që të krijonte grup pune dhe të hetonte dhe të vinte para përgjegjësisë ata që kishin nxjerrë testet, më paditi në gjykatë. Nuk është padia e parë për mua, është padia e 6, më ka paditur Rama, Balla, sepse kam denoncuar korrupsione… pra kjo është një mënyrë për opozitën që të mbyllin gojën, por e kanë të kotë sepse do vazhdoj të jem në krah të mësuesve, prindërve, nxënësve sepse situata tani në arsim është ulëritëse”, tha ajo.

 

Pas