Prokuroria Speciale ditën e sotme ka nisur me thirrjen e dëshmitarëve në gjyqin ndaj ish krerëve të Ushtrisë Çlirimtare të Kosovës në Gjykatën Speciale në Hagë.
Dëshmitarja e para që u thirr ishte një grua, por seanca u mbajt në mënyrë private për të mbrojtur identitetin e saj për publikun.
Seanca për çështjen kundër Hashim Thaçit, Kadri Veselit, Jakup Krasniqit dhe Rexhep Selimit, nisi me pyetjet e prokurorisë për dëshmitaren. Ajo konfirmoi se është intervistuar nga prokurorët specialë edhe në dy raste të tjera në Prishtinë.
Trupi gjykues i Gjykatës Speciale bëri të ditur se dëshmia e saj do të zgjasë katër ditë.
Ndaj ish krerëve të UÇK-së janë ngritur 10 akuza për krime lufte dhe kundër njerëzimit.Gjykata Speciale nisi gjyqin kundër Thaçit dhe të tjerëve pas më shumë se 2 viteve qe ata u mbajtën në paraburgim në Hagë. Të katër ish krerët e UÇK kanë hedhur poshtë çdo pretendim dhe bashkë me avokatët mbrojtës po tentojnë të provojnë pafajësinë./Opinion.al
