Seanca gjyqsore për ish-ministrin e Brendshëm Saimir Tahiri dhe ish-drejtorin e policisë Jaeld Çela është shtyrë sërish.
Gjykata e Posaçme e Apelit për Korrupsion dhe Krim të Organizuar ka vendosur të shtyjë seancat duket argumentuar se çështja nuk konsiderohet urgjente. Apeli vendosi që të ngrijë të gjitha çështjet e themelit deri në heqjen e aktit normative numër 9 datë 25 mars 2020, i cili nuk lejon zhvillimin e proceseve të tilla.
Saimir Tahiri dhe Jaeld Çela fituan pafajësinë në shkallë të parë për akuzën e trafikut të drogës e grupit kriminal, por u dënuan me shërbim prove për shpërdorim detyre. Të dyja palët, të pndehurit dhe prokuroria, apeluan vendimin.
Seanca në Apel ishte parashikuar të zhvillohej sot në orën 10:30 por ajo nuk është konsideruar urgjente nga gjykata duke e shtyrë kështu për herë të dytë pas shtyrjes së parë më 28 prill me të njejtën arsye. /Opinion.al
