Ish-kreu i hipotekave, Ilirjan Muho ishte dëshmitari i radhës në procesin gjyqësor ndaj Emiliano Shullazit dhe katër bashkëpunëtorëve të tij. Muho rrëfeu para gjykatës për takimin e tij me Shullazin, pak ditë pas regjistrimit të pronësisë së ish-hotel “Vollgës” nga hipoteka e Durrësit.
Emiliano Shullazi nuk mori pjesë në seancën e së martës ndaj tij dhe grupit tek Krimet e Rënda, ku përfaqësohej nga avokati. Për këtë shkak i pandehuri nuk u përball në sallën e gjyqit me ish-kreun e Hipotekave, dëshmitarin Ilirjan Muho. Ish-zyrtari i lartë rrëfeu para gjykatës takimet me Shullazin dhe biznesmenin Ylvi Beqja, pak pasi Hipoteka e Durrësit kishte regjistruar si pronë të tyre ish-hotel Vollgën. Dëshmitari tha se regjistrimi i pronës ishte bërë në një kohë që ai ishte me pushime.
Disa ditë më vonë Muhos i ishte kërkuar një takim nga Shullazi dhe biznesmeni Beqja.
“Pasi jam kthyer nga pushmet kam kërkuar takim me zv.drejtorin e Hipotekave, Hysenbelliu dhe drejtorin e hipotekës së Durrësit. Jane vene ne dijeni qe Besnik Hysenbelli kishte firmosur nje shkrese qe i jepte ok Hipotekes se Durresit per te vijuar veprimet, qe ta hipotekonin “Vollgën”. Pasi jam njohur me rastin, kam vendosur qe edhe pse ishte regjistruar “Vollga” ne hipoteke kam pezulluar veprimet, duke mos lejuar tjetërsimin e prones, pavaresisht se ajo ishte regjistruar ne emër te Beqajt. Pasi kam bere kete veprim jam telefonuar nga Ylvi Beqaj dhe Shullazi, te cilet me kane kerkuar nje takim. Fillimisht me kane thene do vish per kafe dhe ky ka vajtur te qendra “Globe” ne nje lokal aty prane dhe aty i ka vene ne dijeni qe jane pezulluar veprimet, qe nuk lejohet tjetersimi i prones. Pas tri ditesh ka ardhur Ylvi Beqaj ne zyre bashke me nje avokat dhe ka sjelle dokumentacionin. Pasi jam njohur me dokumentet ja kam lene zyres juridike. Nderkohe jam telefonuar edhe nga Alban Dabulla, te cilin e kam pritur ne zyre ne prani te drejtoreshes juridike dhe drejtorit te Hipotkes se Durresit, dhe zv.drejtorit te Hipotekes, Hysenbelliu. Gjate diskutimit, Dabulla ka dale jashte kontrollit duke share dhe ofenduar drejtorin e Hipotekes se Durresit, Ergysin. Situata u perkeqesua dhe ne kete moment kam kerkuar qe Dabulla te nxirrej jashte”, tha ish-kreu i Hipotekave Muho.
Dëshmitari saktësoi se pezullimi kishte skaduar në përfundim të afatit 30-ditor. Në takimet e mëvonshme që kishte pasur me biznesmenin Beqja, Muho tha se ai nuk i kishte shprehur ndonjë shqetësim në lidhje me Shullazin.
Ndërsa dëshmitari Fehmi Zaka tregoi për konfliktet mbi pronësinë e një garazhi të djalit të tij Jani Zaka tek ish-parku. Dëshmitari tregoi se nuk e dinte vendodhjen e të birit, i larguar nga vendi pas shpërthimit me eksplozi në këtë parking në shkurt 2015. Në sallën e gjyqit, Zaka nuk përmendi ndonjë kërcënim nga Shullazi. Në dëshminë e dhënë prej tij gjatë hetimit, Fehmi Zaka kishte pohuar se para largimit ne vendi i biri i kishte treguar kërcënimin nga Shullazi.
“Ai i kishte thënë të kalonte pronësinë e parkingut në emër të Blerim Shullazit”, kishte pohuar dëshmitari. Seanca vijoi me dëshmitarë të tjerë të akuzës.
Emiliano Shullazi dhe katër të bashkëpandehurit e tij akuzohen për “gjobëvënie”, “kanosje” dhe “grup të strukturuar kriminal”.
