Gjykata e Apelit ka vendosur të kthejë në Gjykatën e Shkallës së Parë në Tiranë, çështjen e vulës së PD.
Me këtë vendim, kjo gjykatë zhbën vendimin Zhukri, duke i dhënë kështu mundësinë e posedimit të vulës, Enkelejd Alibeaj.
Përfaqësuesi ligjor i Alibeajt, në përfundim të seancës tha se tashmë ai do t’i drejtohet KQZ-së për regjistrimin në zgjedhjet e 14 majit.
Indrit Sefa, në fjalën e tij për mediat pas vendimit të dhënë nga Gjykata e Apelit për vulën e PD, është shprehur se Apeli vendosi rikthimin në Gjykatën e Shpallës së Parë të çështjes me një trupë tjetër gjykues.
“Sot gjykata vendosi rikthimin e çështjes në shkallën e parë me një tjetër trup gjykues.
Ankimi i PD i përfaqësuar nga Enkelejd Alibej, u pranua, do të gjykohet nga një tjetër trup gjykues. PD vazhdon të drejtohet nga organet legjitime të saj, do regjistrohemi ditën e hënë në KQZ.
Gjykata nuk ka asnjë mundësi të marrë vendim si Zhukri. Nuk ka gjyqtar në republikën e vendit të marrë atë vendim.
PD ka organet legjitime të saj të cilat do vazhdojnë drejtimin e partisë.
Nuk është çështje godinash dhe vulash, por mentaliteti.
Legjitimiteti i drejtimit të partisë u certifikua sot”, tha ai./ Opinion.al
