Dastid Pallaska, avokati i ish-Presidentit Hashim Thaçi, i cili po përballet me akuza për krime lufte në Hagë, deklaron se edhe nëse ish-Presidenti i Kosovës shpallet i pafajshëm nuk mund të kërkojë dëmshpërblim për arrestimin.
Në emisionin “Opinion” , Pallaska theksoi se me ritmin që po ecën procesi gjyqësor ndaj Thaçit por dhe ish-zyrtarëve të tjerë të lartë, gjykimi mund të zgjasë edhe mbi 10 vite.
Fevziu: Çështja mund të zgjasë dhe mbi 10 vite?
Pallaska: Më këtë mënyrë menaxhimi të prokurisë po, absolutisht po. Baza ligjore për të kërkuar një kompensim nëse dalin të pafajshëm nuk është e qartë. Kompensimi bëhet kur arrestohet dhe paraburgoset në mënyrë të kundërligjshme. në këtë rast është kërkuar nga gjykata.
