Kreu i Partisë Demokratike ka reaguar për vendimin e ri të Gjykatës së Durrësit, për ti dhënë mandatin kandidates socialiste.
“E gjithë drejtësia është nën kontrollin e plotë të Ramës. Vendimi i Gjykatës së Durrësit është vendimi i drejtësisë private që ka vendosur Edi Rama në Shqipëri. Ky shpartallim i sistemit të drejtësisë do të prodhojë për një kohë të gjatë pasoja të rënda për vendin dhe qytetarët. Nëse nuk e ndalim sa më parë Edi Ramën, Shqipëria do kthehet në një shtet tërësisht të falimentuar afrikan”, shkruan Basha.
Të enjten në gjykatën e Durrësit mbërriti një kërkesë me firmën e Kryeministrit Edi Rama, i cili donte konfirmimin e mandatit të Valbona Sakos.
Shorti i ra gjyqtarit Shpëtim Reka. Ndryshe nga kolegia e tij, Mimoza Margjeka, e cila i quajti të pavlefshme zgjedhjet, ai paraditen e kësaj të premteje vërtetoi mandatin e kandidates socialiste Valbona Sako.
Kjo e fundit ka bërë të ditur se gjithsesi do ta ankimojë vendimin e gjyqtares Margjekaj. Ndërkohë, mësohet se PS do të ndjekë të njëjtën strategji edhe për mandatin e Vorës./ Opinion.al
