Është dhënë sot masa e sigurisë arrest me burg për Aldo Ymerajn, 25 vjeçarin nga Fieri i cili kishte arritur të klononte dhjetëra karta krediti. Ai ishte shpallur në kërkim dhe u arrestua për llogari të FBI-së. Gjykata e Fierit dha masën “arrest me burg” dhe pritet që shumë shpejt të ekstradohet.
Kush është dhe për çfare akuzohet Aldo Ymeraj
Hakeri më i famshëm shqiptar Aldo Ymeraj kishte arritur të shtrinte aktivitetin e tij kriminal në fushën e kibernetik edhe në vendin tonë.
Grupi hetimor jep detaje lidhur me nurmin e kartave të kreditit si edhe ato të debitit të dubluara nga 25-vjecari fierak. Në periudhën 2016-2017, Ymeraj kishte arritur nëpërmjet pajisjes “Skimmer” të klononte në Shqipëri rreth 1000 karta, llogari bankare si edhe transnksione online.
Gjithashtu shuma që kanë arritur të përfitjnë në këtë mënyrë të kundraligjshme, sipas denoncimeve të qytetarëve dhe biznesmenëve është rreth 1.5 milion euro. Kjo vlerë monetare sipas grupit hetimor nuk është përfituar e gjitha në para CASH. Hakerat bënin transferime të mallrave dhe llogarive bankare tek anëtarët e tjerë të grupit, duke i shitur online me çmim disa herë më të lire se sa vlera reale e tyre në treg.
Gjithashtu hetimet e deri tanishme pohojnë se Ymeraj ka pasur 3 bashkëpunëtorë nga Kosova e dy të tjerë nga Bullgaria. Këta të fundit u prangosën në tetor pas shumë denoncimeve të nënpunësve shqiptar, pasi llogaritë e tyre ishin të boshatisura.
Në jetën virtuale Aldo Ymeraj kishte pesudonimin “Kubanezi”, ku ishte pjesë e një rrjeti hakerash prej 11 mijë anëtarësh në të gjithë botën. 25-vjeçari u prangos teksa po pinte kafe në një lokal në Tiranë pas një flete arresti të lëshuar nga Shtetet e Bashkuara të Amerikës, që drejtuan në të njëjtën kohë një operacion në disa shtete për të goditur hakeruesit që besohet se kryenin krime kompjuterike që prej 2010 .
Grupi ku Aldo Ymeraj ishte pjesë ka mundur të vjedhë 530 milionë dollarë, që përvetësoheshin përmes shitjes së të dhënave të vjedhura të kartave të kreditit.
