Planifikuesit e sulmit terrorist të 2016 jashtë stadiumit të Beshiktashit u dënuan me ‘burgim të përjetshëm të rënduar’, nga një gjykatë në Stamboll.
Nga 14 të akuzuarit, 4 u dënuan me akuzën e “planifikimit të shpërthimit me bombë” dhe 10 të tjerët me akuzën e “asistimit në vrasje”.
“Burgim i përjetshëm i rënduar” parashikon një trajtim më të rëndë se normalja gjatë kohës së vuajtjes së dënimit.
Sulmi, i cili i mori jetën 47 personave dhe la qindra të plagosur u krye pas përfundimit të një ndeshjeje futbolli pranë stadiumit “Vodafone Arena”.
Përgjegjësinë për këtë sulm e mori një grup radikal i quajtur Kurdistan Freedom Falcons (TAK), i cili sipas autoriteteve turke ka lidhje me Partinë e Punëtorëve të Kurdistanit.
Turqia vuajti nga një valë sulmesh terroriste nga separatistët kurd fill pas prishjes së bisedimeve për paqe me qeverinë e Ankarasë. /Opinion.al
