Bosi i Cosa Nostra është goditur nga një sëmundje e rëndë dhe neoplazma e veshkave që nuk e lejon atë as për t’u ulur. Gjykata e Lartë deklaron se ai ka të drejtë të ketë një vdekje dinjitoze.
E drejta për të vdekur denjësisht duhet t’i sigurohet çdo të burgosur. Kështu deklaron Gjykata e Lartë në Itali duke iu referuar një prej emrave shumë të njohur të mafies, Toto Riina.
Për gjykatësit, pa cenuar “dosjen penale” duhet të verifikohet nëse bosi i Cosa Nostras mund të konsiderohet i rrezikshëm nisur nga mosha e tij, (86 vjeç) dhe kushtet e rënda shëndetësore. Në bazë të këtyre indikacioneve, gjykata përgjegjëse e Bolognas do të vendosë mbi kërkesën për shtyrjen e dënimit deri më tani e refuzuar gjithmonë.
Gjyqtari duhet kështu të verifikojë dhe arsyetojë “nëse gjendja e burgut mund të sjellë një dhimbje dhe shtypje të intensitetit të tillë”, që mund të shkojë përtej “zbatimit legjitim të një dënimi”.
Aktualisht gjendja neurologjike e Riinas është shumë e rënduar. Bosi mbi tetëdhjetë vjeç është goditur nga një tumor i dyfishtë i veshkave që e pengon atë të qëndrojë ulur dhe që e çon në sëmundje të rëndë të zemrës dhe aktivitet kardiovaskulare të rrezikshme dhe të paparashikueshme.
