Gjykata Administrative vendosi të shfuqizojë sot gjobën e famshme të Erion Veliajt për Partinë Demokratike. Bëhet fjalë për gjobën pas protestës së 8 dhjetorit të vitit të kaluar ku protestuesit dogjën bunkerin dhe thyen ca xhama të dikastereve në Bulevard.
Protesta u pasua me një debat të gjerë pasi Veliaj gjobiti PD për dëme në qytet, por gjoba për fat të keq ishte me firmë të falsifikuar. Vetë punonjësi i Policisë Bashkiake, Besmir Karaj do ta denonconte këtë abuzim.
Sipas vendimit të sotëm të gjykatës, gjobat e Bashkisë së Tiranës janë të paligjshme.
Në një tabelë, në atë kohë, ishin përpiluar një më një të gjitha dëmet e shkaktuara, sipas Bashkisë dhe kostoja e dëmit të vlerësuar shkonte deri në 163 milionë lekë.
