Gjykata ka refuzuar të rishikojë dëmshpërblimin prej 110 milionë eurosh që Shqipëria duhet t’i paguajë Françesko Becchetit, pronarit të televizionit që u mbyll nga qeveria shqiptare, Agon Channel.
Vendimi është marrë më 29 mars, ku një trupë gjykuese e përbërë nga shtetasi amerikan Grant Hanessian si kryetar, Robert Anderson KC i Mbretërisë së Bashkuar dhe Charles Poncet i Zvicrës urdhëruan rrëzimin e përshpejtuar të kërkesës për rishikim nga ana e Shqipërisë.
Gjykata argumentoi se në kërkesën e Shqipërisë nuk ishte vërtetuar se kishte ndonjë fakt të ri që nga vendosja e dëmshpërblimit në vitin 2019.
Çështja u hap në Gjykatën e Arbitrazhit në vitin 2015, ku paditësit pretendonin se ishin viktima të një fushate të motivuar politikisht që synonte investimet e tyre në sektorët e medias, hidroenergjisë dhe menaxhimit të mbetjeve të vendit.
Shqipërisë, përveç shumës prej 110 milionë euro të vendosura në vendimin e parë, i shtohet edhe detyrimi prej 145 mijë euro si detyrime për rihapjen e çështjes.
“Vendimi i Gjykatës së Rishikimit
Gjykata e Revizionit e mohon kërkesën e Paditësve si të diskutueshme, pasi Revizioni ka hedhur poshtë kërkesën për rishikim sipas rregullit 41(5) dhe ka urdhëruar të paditurin për të paguar tarifat administrative të ICSID dhe tarifat dhe shpenzimet e Tribunalit të Rishikimit dhe secila palë duhet të përballojë tarifat dhe shpenzimet e veta ligjore”-thuhet në vendimin e gjykatës./Opinion.al
