Vendimi për burgim të përjetshëm për Dritan Dajtin u rrëzua sot nga Gjykata e Apelit të Krimeve të Rënda. Kjo e fundit pranoi kërkesën për gjykim të shkurtuar, ndaj dënimi për të reduktohet në 25 vite burg.
Dritan Dajti akuzohet për vrasjen e 4 policëve, Fatos Xhani, Sajmir Duçkollari, Altin Dizdari dhe Kastriot Feskaj. Ai u arrestua në vitin 2009, por vazhdimisht i ka mohuar akuzat duke deklaruar se ka qëlluar për vetëmbrojtje, dhe pa qenë në dijeni të faktit se personat përballë tij ishin policë.
Gjatë përleshjes me armë mbeti i vrarë dhe miku i tij Ledion Mara, ndërsa u plagos një pushues./E.M
