Gjykata e Krimeve të Rënda ka pranuar gjykimin e shkurtuar për ish-ministrin e Brendshëm, Saimir Tahiri.
“Edhe shtyrja e sotme është e tepërt, është para gushtit dhe gushti është pushim, mua më duket shumë e tepërt. U shty për shtator kj histori, por ishin të gjitha kushtet që të behej gjykim i pandërprerë, siç e kërkon Kodi edhe siç duhet me rastin. Ju nuk u lodhët me këtë histori. Po zgjatet përtej limitit të vazhdueshëm”, tha Tahiri në dalje të gjykatës.
Më 10 shtator do të jepet edhe pretenca për ish-ministrin e Brendëshëm. Mësohet se gjatë seancës ai është nervozuar nga kërkesa e prokurorëve për 2 javë kohë për pretencën.
“Nese per ju eshte procedure, per mua eshte gjithe jeta ime”, eshte shprehur Tahiri.
Gjykimi i shkurtuar sipas Tahirit nuk do të thotë pranim fajsie por që gjykimi të zhvillohet pa iu nënshtruar shqyrtimit të fashikujve gjatë procesit në themel.
Seanca e sotme u zhvilluar pas tre herësh shtyrje që i ishte beërë gjyqit.
Ndaj Tahirit janë ngritur tre akuza: “Trafikimi i narkotikëve, në bashkëpunim, në formën e grupit të strukturuar kriminal”, “Kryerja e veprave penale nga organizata kriminale” dhe “Grup i strukturuar kriminal”. /Opinion.al
