Gjykata Supreme e SHBA-së është shprehur pro vendimit të presidentit Donald Trump për të rifilluar deportimin e emigrantëve në vendet e treta.
Trupa gjykuese miratoi kërkesën e administratës amerikane për të hequr një urdhër gjyqësor, i cili u jepte mundësi emigrantëve që të kundërshtonin dëbimin në rast rreziku.
Kjo çështje lidhet me rastin e tetë emigrantëve nga Myanmari, Sudani i Jugut, Kuba, Meksika, Laosi dhe Vietnami, të cilët u deportuan në maj.
Administrata Trump tha se emigrantët kishin kryer “krime të tmerrshme” në SHBA, duke përfshirë vrasje, zjarrvënie dhe grabitje të armatosur.
Departamenti i Sigurisë Kombëtare përshëndeti vendimin e Gjykatës duke e cilësuar një fitore për sigurinë dhe mbrojtjen e popullit amerikan.
Një prej vendeve ku do të dërgohen emigrantët është edhe Kosova. Më herët, Kryeministri në detyrë Albin Kurti, në një reagim, tha se do të pranoheshin rreth 50 persona në vit.
Klan News
