Një gjykatë në Minsk ka dënuar në mungesë lideren e opozitës,Svyatlana Tsikhanouskaya, dhe katër figura të tjera kryesore të opozitës për akuza që konsiderohen gjerësisht si të motivuara politikisht.
Gjykata e qytetit të Minskut më 6 mars dënoi Tsikhanouskaya me 15 vjet burg dhe një tjetër politikan kryesor të opozitës, Paval Latushka, me 18 vjet burg. Tre figura të tjera opozitare — Maryya Maroz, Volha Kavalkova dhe Syarhey Dylevski — u dënuan me 12 vjet burg secili.
Gjykatësi Pyatro Arlou i shpalli fajtorë të pesë politikanët e opozitës për komplot për të rrëzuar qeverinë, krijimin dhe udhëheqjen e një grupi ekstremist, nxitjen e urrejtjes dhe dëmtimin e sigurisë kombëtare.
Pesë politikanët u larguan nga Bjellorusia pas protestave masive kundër rezultateve zyrtare të zgjedhjeve presidenciale të gushtit 2020 që Alyaksandr Lukashenko pretendon se fitoi. Opozita bjelloruse dhe qeveritë perëndimore thonë se zgjedhjet u manipuluan dhe fituesi i vërtetë në sondazh ishte Tsikhanouskaya./Opinion.al
