Në Gjykatën kundër Korrupsionit dhe Krimit të Organizuar është zhvilluar këtë të shtunë seanca për rivlerësimin e masës së sigurisë për ish-deputetin socialist Alqi Bllako.
Gjykata ka vendosur masën e sigurisë “arrest me burg” për Blllakon, i cili nga hetimet e SPAK ka rezultuar i përfshirë në aferën e Inceneratorit të Fierit.
Sipas GJKKO, Bllako eshte i dyshuar per kryerjen e veprave penale “shperdorim detyre” ne bashkepunim dhe “korrupsion pasiv i funksionareve te larte shteterore ose i te zgjedhurve vendore”.
Nga hetimet e SPAK ka rezultuar se në kohën kur Bllako ka shërbyer si Sekretar i Përgjithshëm në Ministrinë e Mjedisit, në bashkëpunim me persona të tjerë, ka kryer veprime të kundraligjshme me dashje gjatë procedurës së shpronësimit të tokës në ndërtimin e inceneratorit të Fierit, duke shkaktuar një dëm prej 16.288.344 lekësh.
Po ashtu vihet në dukje, se Bllako, ka favorizuar kompaninë koncensionare “Integrated Technology Waste Treatment”, kundrejt përfitimit të parregullt, të shumës 14.964.900.
Kujtojmë lidhur me aferën e Inceneratorëve Alqi Bllako është zyrtari i dytë që përfundon në pranfga. Disa javë më parë u arrestua ish-ministri i Mjedisit, Lefter Koka./Opinion.al
