Dy autorët e dyshuar të vrasjes së Agim Buci dhe plagosjes së bashkëshortes së tij, Merita Buci kanë dalë sot para gjykatës, e cila caktoi për ta masën e sigurisë “arrest në burg”.
Vladimir Kurti dhe Ruzhdi Hode gjatë marrjes në pyetje kanë pranuar krimin, madje kanë treguar edhe vendin ku kanë hedhur armën e vrasjes, e cila ende nuk është gjetur nga policia.
Sipas hetimeve të dritanishme, Vladimir Kurti është ai që ka qëlluar me armë zjarri në dyqanin e tyre çiftin e bashkëshortëve, gjatë tentativës për të grabitur paratë në minimarket.
28-vjeçari Kurti banon jo shumë larg shtëpisë së familjes Buci, ndërsa për të kryer grabitjen kishte kërkuar ndihmë edhe nga shoku i tij, Ruzhdi Hode, për ta transportuar me makinë.
