47-vjecari Arben Xhetani, i cili u arrestua nga policia për vrasjen e ish-policit Arben Bilali në Selitë, është lënë në burg nga Gjykata.
Kamerat e sigurisë që ndodhen në zonë në të cilën ndodhi ngjarja, kanë filmuar 47-vjeçarin teksa largon një pistoletë nga vendi i ngjarjes.
Nga verifikimet e bëra nga hetimet, dyshohet se pistoleta mund të jetë përdorur nga autorët ose e posedonte vetë viktima.
Arben Biliali u ekzekutua pranë shtëpisë së tij me 10 plumba, ndërsa familja e tij ishte në konflikt dhe e ngujuar. 50-vjecari kishte dalë nga banesa disa orë para se ta qëllonin.
Ai u qëllua me një breshëri plumbash teksa po kthehej në banesën e tij me një makinë tip “Golf 4”, ku po udhëtonte si pasagjer.
Hetimet kanë zbuluar se Arben Bilali është ndjekur nga 2 autorët që udhëtonin me një “Benz” të zi, që prej kryqëzimit të “Vasil Shantos” deri në rrugën “Daniel Ndreka” ku kishte shtëpinë./ Opinioni.al E.Xh
