Gjykata Kushtetuese morri ditën e djeshme vendimin që të mos e shkarkojë Ilir Metën nga posti i Presidentit të Republikës.
Ndërkohë këtë të enjte është zbardhur votimi i gjyqëtarëve të Gjykatës Kushtetuese.
Sipas “news 24”, 6 prej anëtarëve të Kushtetueses, kanë votuar pro shfuqizimit të vendimit të Kuvendit për shkarkimin e Kreut të Shtetit. Ndërsa vetëm një prej anëtarëve votoi për shkarkimin e Ilir Metës si President i Republikës së Shqipërisë.
Kujtojmë që Kuvendi, votoi me 104 vota pro shkarkimin e Presidentit Ilir Meta, me arsyetimin se ka shkelur rëndë Kushtetutën e Republikës së Shqipërisë, duke ndikuar në fushatën për zgjedhjet parlamentare të 25 prillit e duke debatuar ashpër me ambasadorët ndërkombëtarë.
Sakaq, Kushtetuesja doli dje në përfundimin se pretendimet e ngritura nga Parlamenti nuk cilësohen në shkeljet flagrante të Kushtetutës, aq sa për të shkuar në shkarkimin e Presidentit./Opinion.al
