TIRANE- Gjykata Kushtetuese ka pezulluar zbatimin e ligjit për Procedurat Tatimore që parashikonte deri në 10-fishim të gjobave për bizneset që kapeshin ne shkelje me ligjin.
Ky vendim i Kushtetueses do të thotë se ligji që hyri në fuqi më 12 nentor të ketij viti është i pazbatueshëm dhe gjobat nuk do të aplikohen për bizneset.
Vendimi i Gjykatës Kushtetuese erdhi pas ankimit të bërë nga Shoqata për Mbrojtjen e Tregtarëve dhe të Tregut të cilët kërkuan shfuqizimin e 11 neneve ne ligjin e Procedurave Tatimore pasi sipas tyre ishin të papajtueshme me Kushtetutën e Republikës së Shqipërisë.
Disa nga 11 nenet qe u kundërshtuan nga bizneset edhe me protesta, por që aktualisht janë të pezulluara janë ato qe sanksionojne gjobe deri ne 10 milion leke për tregtuesit e shumicës që tregtojne mallin pa dokumet tatimor, 500 mijë lekë gjobë për bizneset e vogla qe nuk leshojne kupon, 500 mijë lekë dhe kallëzim penal për mosdeklarim real të pages dhe 10 fishimi i gjobës për mosdeklarim punonjësish për biznesin e vogël.
