Ambasada e Shteteve të Bashkuara të Amerikës ka me një deklaratë pas vendimit të Gjykatës Kushtetuese për mos shkarkimin e Presidentit të Republikës Ilir Meta.
Në një deklarate për mediat, të publikuar në rrjetet sociale, ambasada amerikane në Tiranë shkruan se Gjykata Kushtetuese po demonstron afërsinë për të përmbushur funksionin e saj.
Ndër të tjera ambasada shkruan se SHBA mbështesin zbatimin e reformës në drejtësi.
“Gjykata Kushtetuese e Shqipërisë, e cila u bë funksionale në dhjetor të vitit 2020, po demonstron aftësinë për të përmbushur funksionin e saj parësor dhe thelbësor duke shqyrtuar faktet dhe argumentet e paraqitura nga palët përkatëse, duke diskutuar mbi këto fakte dhe argumente në bazë të Kushtetutës dhe duke dhënë vendime që pasqyrojnë pavarësi dhe integritet. Shtetet e Bashkuara mbështesin fuqimisht zbatimin e reformës në drejtësi, përfshi një gjyqësor profesional, të pavarur, si institucion thelbësor për të garantuar shtetin ligjor, si dhe ndarjen dhe balancimin e pushteteve”,-shkruhet në reagimin e ambasadës amerikane./Opinion.al
