Presidenti Ilir Meta ka publikuar ditën e sotme videon e dytë në mbështetje të Gjykatës Kushtetuese.
Meta shkruan në rrjetet sociale, se disa nga pyetjet e spotit të parë, marrin përgjigje në spotin e dytë. Në video thuhet se kreu i KED, Ardian Dvorani është vetëm një përcjellës i vendimeve të institucionit që drejton.
Më herët presidenti ka bërë dhe një kallëzim penal ndaj kreut të KED, Ardian Dvoranit, duke thënë se ka marrë kompetenca që nuk i përkasin si dhe ka bërë veprime mafioze për emërimet e anëtarëve të KED-së.
Postimi i Metës
Të dashur qytetarë,
Në vijim të spotit të parë, sot autorizova publikimin e spotit të dytë zyrtar në mbrojtje të Kushtetutës dhe integritetit të Gjykatës Kushtetuese. Disa nga pyetjet që lidhen me spotin e parë, marrin një sqarim shterues përmes këtij spoti të dytë që po ndaj me ju./ Opinion.al
