Aktualitet

Gjykata Kushtetuese i rrëzon Presidencës një tjetër kërkesë



Bëhu pjesë e Grupit Zyrtar të Opinion.al
>> KËTU <<
               Publikuar në : 13:37 - 01/02/22 |
Opi Nion

Gjykata Kushtetuese ka rrëzuar një tjetër kërkesë të Presidencës gjatë seancës që shqyrton shkarkimin e Presidentit, Ilir Meta. Përfaqësuesit ligjor të Presidencës, kërkuan që mos të jenë të pranishëm përfaqësues të Kuvendit të Shqipërisë, gjë e cila u refuzua nga gjykata.

“Kushtetuesja” vlerësoi se ajo është vënë në lëvizje nga kryeparlamentari me datë 14 qershor të vitit të kaluar, kohe kur drejtohej nga Gramoz Ruçi kur është përcjellë vendimi nr. 55 i Kuvendit.

“Na rezulton se kryetari i Kuvendit ka autorizuar përfaqësuesit sipas ligjit. Pretendimet do te bëhen pjese e analizës dhe vendimmarrjes se gjykatës ne vendimin përfundimtar”, u tha në argumentet e gjykatës. Këshilltari ligjor i Metës, Bledar Dervishaj bëri një kërkesë të re paraprake që lidhej me përfaqësuesin e Kuvendit në seancë. Gjatë fjalës së tij Dervishaj tha se “Legjislatura e Kuvendit ka mbaruar në shtator 2021 dhe ka filluar legjislatura e re. Presidenti e konsideron jolegjitime praninë e përfaqësuesve të Kuvendit”.

Sipas përfaqësuesit ligjor të Metës, tashmë është legjislaturë dhe përbërje e re në Kuvend. Ndërkohë, pretendimit të Dervishajt iu përgjigj përfaqësuesja e Kuvendit, Klotilda Bushka, e cila theksoi se ky argument nuk qëndron.

“Pretendimi nuk qëndron, pasi Kuvendi ka vijimësi. Vendimet e marra vijojnë. Një vendim i Kuvendit kurrsesi nuk behet nul se janë bërë zgjedhje te reja. Nëse vendimet e Kuvendeve te mëparshme bëhen nul, atëherë edhe Ilir Meta nuk është me president se duhej konfirmuar nga legjislatura e re.”, tha Bushka./ Opinion.al

Pas