Një shpërthim tritoli u shënua sot pranë një banese në Orikum. Bëhet me dije se nga shpërthimi nuk ka presona të lënduar, por vetëm dëme materiale.
Sipas informacioneve, autorët kishin objektiv banesën ku qëndronte Artan Xhelilaj. Ky i fundit rezulton se ndodhet në arrest shtëpia për akuzën e trafikut të lëndëve narkotike.
Lënda plasëse duket se ka qenë një mesazh për Xhelilajn. Policia ka nisur hetimet për të zbuluar autorët, por deri tani nuk raportohet për asnjë të arrestuar.
Shpresa e grupit hetimor është te dëshmia e objektivit dhe kamerat e sigurisë që mund të kenë kapur lëvizjet e autorëve.
