Ish-kreu i kartelit të Sinaloas, Joaquin “El Chapo” Guzman, është dënuar me burgim të përjetshëm plus 30 vite nga një Gjykatë Federale në Shtetet e Bashkuara të Amerikës. Në vendimin ndaj tij është vendosur për sekuestrimin e një pasurie prej 12,6 miliardë dollarësh.
Brian A. Benczkowski, ndihmës avokat në Divizionit Penal të Departamentit të Drejtësisë, e quajti dënimin ndaj Guzman për “një masë të drejtë” për SHBA dhe Meksikën.
Richard P. Donoghue, avokati i Shteteve të Bashkuara për Qarkun Lindor të Nju Jorkut, gjithashtu foli:
“Ky vendim është i rëndësishëm dhe i merituar, Guzman nuk do të derdhë më kurrë helm mbi kufijtë tanë, duke bërë miliarda, ndërsa humbën jetë të pafajshme nga dhuna dhe varësia nga droga”
Joaquin “El Chapo” Guzman u shpall fajtor për 10 akuza, gjysma e të cilave ishin për trafik ndërkombëtar kokaine ndërsa pesë të tjerat ishin për pjesëmarrje në krim të organizuar, importim kokaine, përdorim i armëve të zjarrit, pastrim i produkteve të veprës penale, trafik i brendshëm kokaine dhe trafik ndërkombëtar i heroinës, metamfetaminës, marijuanës, si dhe prodhim i marijuanës.
Guzman tha në gjykatë se “Këtu nuk u dha drejtësi”. Ndërsa avokati i tij tha se çështja do të apelohet pasi të gjitha akuzat ndaj klientit të tij janë të pavërteta.
“Ai më tha nga dita e parë: “Dua vetëm një gjykim të drejtë. Ju më thoni se unë mund të marr drejtësinë këtu, thjesht dua një gjykim të drejtë.” Dhe në fund të ditës, ne dëshirojmë të pretendojmë se ishte drejtësi – nuk ishte e tillë” u shpreh avokati Jeffrey Lichtman
“El Chapo” është arratisur dy herë nga burgu, njëherë në 2001 dhe më pas në 2016 përmes një tuneli në vitin. Në 2017 ai u kap përsëri për t’u ekstraduar në SHBA. Ai ka qenë kreu i Kartelit të Sinaloas si dhe ka mbajtur statusin e trafikuesit më të madh të kokainës në botë. /Opinion.al
