Gjykata e Tiranës ka regjistruar statutin e Kuvendit të Partisë Demokratike të 11 Dhjetorit të mbajtur nga Komisioni i Rithemelimit.
Kuvendi i thirrur nga Berisha, miratoi ndryshimet në Statut. Ndryshimet në Statut zhbëjnë strukturat drejtuese që ishin, më shkarkim të nënkryetarëve, shkarkimin e Lulzim Bashës, si dhe Partisë Demokratike i rikthehet logo e vjetër e partisë.
Gjyqtari që shqyrtoi çështjen është Agron Zhukri. Ky i fundit fillimisht nuk pranoi të merrte përsipër çështjen, duke dhënë dorëheqje, por ajo iu refuzua.
Ndërkohë me vendimin e dhënë sot nga Zhukri, zyrtarisht dhe ligjërisht njihet Komisioni i Rithemelimit si drejtues i Partisë Demokratike.
CILAT JANË NDRYSHIMET NË STATUT QË U VENDOSËN NË KUVENDIN E 11 DHJETORIT TË KOMISIONIT TË RITHEMELIMIT:
-Parimi një anëtar, me qëllim të forcohet anëtarësia. Të zgjedhin kryetarët e degëve.
-Votimet primare, kandidatët për Parlamentin dhe organet vendore kanë të drejtë t’i zgjedhin anëtarët
-Referendumi, vendime të rëndësishme do merren nga anëtarësia.
-Për të garantuar dhe forcuar lirinë e fjalës, fusim në statut fraksionet, partia bëhet më e madhe duke u bashkuar dhe jo duke u ndarë.
-Kryetari duhet të udhëheq në bazë të vullnetit të anëtarësisë.
-Organet do të bëhen fleksible dhe me fuqi vendimmarrëse, anëtarët do të zgjidhet me votë të fshehtë. Mbaron koha që kryetari emëron
-Kryetari që humb zgjedhjet, pavarësisht arsyes i mbaron mandati menjëherë. Ky mekanizëm rrëzon kultin e individit.
-Organizatat partnere, përveç lidhjes së gruas dhe të FRPD është shtuar dhe grupi Dhjetor 90’, të cilat do të kenë kuota më të mëdha dhe më shumë liri.
-Logot dhe simbole janë shumë të rëndësishme. Me këtë statut ndryshon log, vula e kryetarit të PD, vula që ka kryetari deri sot nuk do të ketë vlerë nesër.
-Të gjithë organet do të futen në një garë dhe në një ristrukturim për t’u përgatitu për një opozitë të vërtetë.
-Ne propozojmë që me statut, që të ngrihet një komision i përkohshëm me figura dhe me autoritet. Ky organ do të garantoj deri në një fazë të dytë, kur të zgjidhet kryetari i ri dhe organet e reja.
