Gjykata e Tiranës ka vendosur të lirojë nga qelia duke rrëzuar kështu kërkesën e autoriteteve ruse për ekstradimin e Alexandër Bobonvikov, i arrestuar 15 ditë më parë në Rinas.
Mësohet se ministria e Drejtësisë pas verifikimeve përkatëse, iu përgjigj kërkesës së gjykatës se refuzonte ekstradimin e 56-vjeçarit.
Pas arrestimit në Shqipëri ai deklaroi se kishte ardhur për arsye turistike, por gjykata e la në burg me afat 15 ditor.
Në vitin 2022, Gjykata e Moskës lëshoi një urdhër arresti për qëllime ekstradimi për Bobovnikov, i akuzuar për mashtrim, krim për të cilin rrezikonte një dënim deri në 10 vjet burg.
