Shtatë persona që u arrestuan pas protestës së opozitës janë lënë të lirë nga Gjykata e Tiranës.
Gjykata vendosi masën e sigurisë “detyrim paraqitje” për; Olsi Kasemin, Luis Buzherin, Maringlen Meçjan, Gjok Dreshajn, Aleksander Prengan, Agim Sallahun dhe për Shefqet Sefajn.
Gjatë seancës të mbajtur për protestuesit e arrestuar, prokurori, Erjon Shqarri, kërkoi për 5 protestues “Arrest në burg”, dhe dy protestues, “Detyrim paraqitje”.
Nga ana tjetër avokatët e tyre u shprehën se arrestimi i protestuesve është i paligjshëm dhe gjykata nuk duhet të caktoj masën e sigurisë “arrest me burg”.
Mbi shtatë protestuesit të cilët shpëtuan nga burgu rëndon vetëm akuza për kundërshtimin e punonjësit të policisë./ Opinion.al E.Xh.
