Kërkesa e biznesmenit italian Francesco Beccheti për heqjen e masës arrest me burg është rrëzuar nga Dhoma Penale e Gjykatës së Tiranës.
Gjykata ka lënë në fuqi masën arrest me burg në mungesë edhe ndaj Mauro de Renzin, ish-administratori i televizionit “Agon Channel”, që zotërohej nga Becchetti.
Becchetti dhe De Renzi kishin depozituar në Gjykatën e Tiranës kërkesën për heqjen e masës arrest me burg.
Të dy do të mbeten në kërkim nga drejtësi shqiptare , ndonëse patën kërkuar heqjen e emrit të tyre nga kërkimi policor në sistemin Tims dhe Interpol.
Ata akuzohen për krijimin e skemave mashtruese, pastrim parash, evazion fiskal dhe kontrabandë.
Bechetti dhe De Renzi u shpallën në kërkim në muajin Shkurt, por prej më shumë se 10 muaj ata u larguan nga Shqipërië për tu fshehur në Angli ku dhe u zbuluan në Nëntor dhe u ndaluan me kërkesë të Interpol Tiranës.
Gjatë gjyqit në Tiranë, avokatët e tyre kanë pretenduar se Londra ka refuzuar ekstradimin e tyre, por ky argument nuk ka mjaftuar që Gjykata e Tiranës të mos ndryshojë masën arrest me burg.
