Gjykata e Posaçme ka rrëzuar kërkesën e kryebashkiakut të Tiranës, Erion Veliajt për kthimin e telefonit të sekuestruar në momentin e arrestimit.
Veliaj u arrestua me urdhër të SPAK pasi po hetohet për korrupsion aktiv, korrupsion pasiv, mosdeklarim i pasurisë dhe pastrim parash.
Po ashtu fillimisht për bashkëshorten e Veliajt, Ajola Xoxën u vendos masa e “arrestit në shtëpi”, por më pas GJKKO vendosi që kjo masë të lehtësohej në “detyrim paraqitje”. Kjo masë është dhënë edhe për disa biznesmenë, të cilët sipas SPAK kanë kryer korrupsion aktiv.
Kryetari i Bashkisë Tiranë në disa postime në rrjetet sociale është shprehur se është i pafajshëm dhe se arrestimi i tij është i paligjshëm, me qëllim për ta goditur politikisht.
