Gjykata e Lartë ka refuzuar rekurset e ish-kryeministrit Sali Berisha dhe dhëndrit të tij Jamarbër Malltezi.
Mësohet se Gjykata e Lartë ka rrëzuar të treja rekurset, që do të thotë që Malltezi do të vijojë të hetohet në arrest shtëpie. Sa i përket rekurseve të Sali Berishës, ato lidheshin për vendimet që iu caktua masa detyrim për paraqitje dhe më pas seanca për verifikimin e sigurisë.
Gjykata e Lartë ka gjykuar se nuk kemi të bëjmë me shkelje të kodit të procedurës penale apo shkelje ligjore nga gjykatat e Shkallës së Parë dhe Apelit.
Kujtojmë se ish-kryeministri Sali Berisha dhe dhëndri i tij Jamarbër Malltezi janë në arrest shtëpie, pasi akuzohen si të përfshirë në aferën e dosjes Partizani.
