Gjykata e Kurbinit ka vendosur masën e arrestit me burg për dy mjekët, Besim Lama dhe Viktor Marku, të cilët akuzohen se mjekonin në mënyrë të paligjshme Eduart Lamajn. Ata u arrestuan të mërkurën nga policia.
Dy mjekë, një ortoped i Lezhës dhe një kirurg i spitalit Ushtarakë, kishin pranuar ta operonin Lamajn pa e referuar ngjarjen në polici.
Në këmbim të kësaj dyshohet se mjekët do të merrnin 10 mijë euro. Dy mjekët akuzohen për veprat penale “moskallëzim krimi” dhe “veprime që pengojnë zbulimin e së vërtetës”.
Shtrimi i të dyshuarit në spital është zbuluar nga vizitat e vazhdueshme të të afërmve të tij, të cilët ishin në monitorim nga policia./ Opinion.al
