Gjykata e Krimeve të Rënda ka pranuar gjykimin e shkurtuar për Klement Balilin. Vendimi u mor në një seancë me dyer të mbyllura.
Prokuroria e Krimeve të Rënda ka ngritur 4 akuza ndaj Balilit, por ky i fundit i ka kundërshtuar të katërta me pretendimin se nuk ka kryer asnjë vepër penale. Gjë që është mbështetur edhe nga avokatët sa kohë që sipas tyre nuk ka prova.
I mbiquajtuar si “Eskobari i Ballkanit”, Balili akuzohet për “Trafikim ndërkombëtar të lëndëve narkotike”. “Pastrim parash”, “Grup te strukturuar kriminal”, si edhe “Refuzim per deklarimin e pasurisë”
Prokuroria në akuzat ndaj Balilit bazohet në hetimet greke që e ekspozojnë Klement Balilin si njeriun që trafikoi 678 kilogramë kanabis, ngarkesë që u kalua nga brigjet e Sarandës më 5 maj të vitit 2016.
Në përgjimet, Balili shfaqet duke biseduar me dy skafistë, kur u thotë atyre që ata i priste në Zakinthos, Georgis Alifantis. Pretenca për Balilin nga Prokuroria e Krimeve të Rënda pritet të jepet më 12 mars. Dl/ Opinion.al
