Gjykata Speciale në Hagë ka marrë vendimin për ish-presidentin të Kosovës, Hashim Thaçi dhe ish-kryetarit të Kuvendit, Kadri Veselim për të qëndruar në paraburgim.
Vendimi është marrë ditën e sotme në ditën e 15 vjetorit të Pavarësisë së Kosovës, nga gjyqtari Charles Smit, i cili ka refuzuar kërkesën e Mbrojtjes për rishikim të vendimit.
“Gjykata urdhëron vazhdimin e paraburgimit për Thaçin”, thuhet në vendim.
Në vendim parashtrohen dhe arsyet se pse dy ish-krerët e UÇK-së duhet të vijojnë në këtë masë sigurie.
Ndikimi dhe autoriteti i Hashim Thaçit, njohuritë për akuzat dhe provat kundër tij, rreziku që ish-presidenti mund të pengojë procedurat, rreziku i kryerjes, nxitjes ose ndihmës për krime të mëtejshme, masat kufizuese për lirim nuk janë të mjaftueshme për të zbutur rreziqet, pesha dhe kompleksiteti i akuzave kundër Thaçit dhe progresi që vazhdohen të bëhet drejt fillimit të gjykimit e ku kanë mbetur më pak se gjashtë javë, janë disa nga arsyet që kjo Gjykatë ka rreshtuar.
Zyra e Prokurorit të Specializuar, më 30 shtator 2022, ka dorëzuar aktakuzën e konfirmuar ndaj Hashim Thaçit, Kadri Veselit, Jakup Krasniqit dhe Rexhep Selimit. Mbi ta rëndojnë dhjetë akuza, për krime lufte e krime kundër njerëzimit gjatë luftës ë UÇK-së./Opinion.al
