Ka përfunduar seanca gjyqësore në Gjykatën e Apelit për vulën e PD.
Trupi gjykues i përbërë nga Elona Mihali kryesuese dhe me anëtarë Irida Kacerja e Astrit Kalaja shqyrtoi ankimimin e padisë së Alibeaj kundër vendimit të gjyqtarit Zhukri, i cili njohu Rithemelimin dhe Kuvendin e 11 dhjetorit 2021 si të ligjshëm.
Gjykata e Apelit është tërhequr për të marrë vendimin në lidhje me vulën e Partisë Demokratike, nëse do të qëndrojë në duart e Enkelejd Alibeajt apo do t’i kalojë kryedemokratit Sali Berisha.
Alibeaj kërkoi në ankim prishjen e vendimit dhe kthim në Shkallën e Parë. Ndërsa përfaqësuesi i Berishës, Ivi Kaso, kërkoi që Alibeaj të mos jetë palë në proces, pasi sipas tij gjykata është investuar nga një palë që nuk legjitimohet.
Në sallën e gjyqit ndodheshin edhe vëzhgues nga ambasada amerikane./Opinion.al
