Administratori i kompanisë “Skela Syla’ është lënë sot i lirë me vendim të Gjykatës së Apelit. Petrit Syla ishte arrestuar pasi akuzohej për shkelje të rregullave të sigurisë në punë.
Gjykata e Shkallës së Parë e la atë në burg për ngjarjen e ndodhur më 16 gusht, ku humbën jetën dy punëtorë pas rrëzimit të skelës në një pallat në Tiranë.
Syla e apeloi vendimin në Gjykatën e Apelit dhe avokati i tij Mirash Ndoci argumentoi se përgjegjësia për ngjarjen e ndodhur në pallatin te rruga e Elbasanit nuk binte mbi klientin e tij.
Në lidhje me këtë ngjarje ndodhet në burg inxhinieri i kompanisë “Skela Syla”, Ilir Bendo, ndërsa në “arrest shtëpie” Xhimi Tarushi, drejtuesi teknik i punimeve për subjektin ndërtues. /Opinion.al
