Gjykata e Vlorës ka caktuar masën e sigurisë “arrest me burg” për Jogo Zanin, të sëmurin mendor që masakroi duke i prerë kokën, kushëririn e tij 12 vjeçar në Palasë të Vlorës.
Zani u paraqit sot në Gjykatë, i braktisur nga familjarët e tij. Mësohet se në Gjykatë, Zani ka qëndruar i qetë.
Pritet që ai të shoqërohet në paraburgim, ku do të mbahet i izoluar nga të burgosurit e tjerë për shkak të rrezikshmërisë.
Gjendja e tij psikologjike vijon të mbetet e rëndë. Efektivët e policisë i kanë mbuluar kokën gjatë shoqërimit për në gjykatë dhe kanë thënë se gjatë rrugës ai kryente veprime të pakontrolluara.
Këto janë pamjet gjatë mbërritjes së tij në Gjykatë.
